Na primeira semana de abril recibimos a visita da profesora Sheila Gondar, da Universität Leipzig. Tivemos a oportunidade de lle presentar o proxecto ESMAS-ES+ (PID2022-137170OB-I00) e de intercambiar impresións sobre novas vías para o deseño de ferramentas de análise lingüística. Sempre é un pracer establecer sinerxías con investigadoras doutras universidades e enriquecer así a evolución do noso proxecto!