De 17 a 21 de novembro de 2025 tivo lugar en Madrid o VII Congreso Internacional de Innovación Docente en Educación Superior, centrado nos retos e oportunidades no ensino e na aprendizaxe nun contorno marcado pola dixitalización. No marco do simposio «La traducción como estrategia de innovación para la docencia de lenguas en la Educación Superior», a membro do equipo de traballo de ESMAS-ES+ Elena Martín-Cancela participou como relatora convidada coa comunicación «Entre glosarios y experiencias: Anotación semántica y traducción de textos turísticos en la enseñanza del alemán».

A intervención presentou unha proposta metodolóxica baseada no traballo con textos turísticos reais en alemán, enriquecida mediante procesos de anotación e análise semántica, e apoiada na metodoloxía e ferramentas desenvolvidas no marco do proxecto ESMAS-ES+ e en iniciativas previas. O enfoque demostrou como a combinación da lexicografía, terminoloxía e tecnoloxías lingüísticas pode contribuír a mellorar a competencia tradutora, a sensibilidade intercultural e o dominio léxico do alemán no alumnado do grao en Turismo.

Esta participación reforza o compromiso de ESMAS-ES+ coa innovación docente e coa creación de recursos semánticos útiles para a ensinanza de linguas e a tradución en contextos profesionais multilingües.